CAST / GAL

Soño de domingo
Clara, 27, A Coruña

O canto dos paxaros repenicaba no interior do cuarto. Incorporeime e mirei pola fiestra. Papá cortaba o céspede abafado. Unha cervexa agardaba na mesa de pedra. Mamá apañaba ameixas e asubiaba. O vestido vermello recollido cunha man facendo unha canastra improvisada. A leira ao fondo devolvía a mirada con ollos agarimosos, aderezados co verdor de inicios do verán. Saín á cociña. Café de pota e pan tostado no lume da lareira. Como cada domingo de aldea. Mais aínda non. Aínda lonxe. Ben lonxe. Para acadar propósitos, ás veces hai que marchar e, mentres, soñar cos ollos abertos.
Compartir: