Ganas de mexar
Paula, 17, Pontevedra

-Papá, como podo conseguir que os meus soños se fagan realidade?
-Está ben, filliño, vouche contar o segredo -achegou os seus beizos á orella do pequeno e murmuriuolle- bebe tres vasos de auga antes de ir á cama.
Ao escoitar iso, a Martiño non lle daba chegado á hora de durmir. Deitouse ilusionado, esperando que o que dixera seu pai fose certo e funcionara.
E vaia se se cumpriu…! Espertou coa saba mollada. Soñara con ir a mexar e mexara.