Treito a treito
Lían, 63, Ribeira

Pensativa, apoiouse na parede sobre a que incidía o sol que se coaba pola bufarda da calella. Coa cabeza inclinada, observaba os pés, movía cada articulación das dedas, para sentir que estaba viva. Notaba a tensión que se espallaba por todo o corpo. Deixou caer a cabeza sobre o muro, mirou ao ceo claro e abreuse ante ela un abano de posibilidades que a levarían a ascender polas escaleiras da nova vida. Era o inicio!