Meu Deus, como se chama?
UxiaV, 69, A CORUÑA

Os 60 trouxeran o mellor agasallo de aniversario: levantarse do leito sen présas, deleitarse cun longo e oloroso café, froita recén pelada, tosta cunhas pingas de verdor dourado; e impregnada desa atmosfera darlle as costas á porta da casa cun suave tirón. Os pasos nas escaleiras choutaban ledos e infantís. As rúas amosábanse novas, iluminadas co pracer da consciente andaina nunha nube de ilusión.
Nas conversas recuperadas coas amigas compartimos esa dita, mais oscilando entre o espanto e o humor amoréanse os espazos en branco na memoria.
Como se chama o protagonista desa película titulada? Ai, Deus, déixame un segundo.