O mundo esfarélase e nós agardamos o Black Friday da eternidade
Luis, son eu., 55, Santiago

O mundo está a piques de esfarelarse e temos os armarios ateigados de camisas con etiqueta, zapatos que non tocaron chan, vestidos que non saíron da bolsa, libros sen abrir, cuncas que nunca probaron café, móbiles gardados como reliquias, colonias sen destapar, aparellos de ximnasio convertidos en perchas e potas que nunca viron lume. Fas cola, pagas, levas, gardas… e segues igual de baleiro. O destino, pillabán, míranos e racha a rir. Ao final, tanta bolsa, tanto envoltorio… e o único que falta é un lugar onde agachar o tempo perdido.