Progreso sueco
RatoLaser, 69, Vilagarcía de Arousa

Prometeron un cambio radical. O novo alcalde sorría desde os carteis coa camisa remangada, símbolo inequívoco de suor e nova política. O luns anunciou a súa primeira gran medida transformadora na praza da vila: substituír as vellas papeleiras verdes de chapa por unhas de cor gris antracita con deseño escandinavo e acabados mate. Custaron dez mil euros das arcas municipais. Os veciños, fieis á súa rutina, seguiron tirando as cabichas ao chan do empedrado. Pero agora, pensou Xiao mentres esmagaba unha coa sola da bota, facíano con moita máis sofisticación europea. A revolución, por fin, era imparable.