Os cambios chegaron
Vanessa Montañés, 49, Valencia

Os cambios chegaron sen pedir permiso. Primeiro foron cousas pequenas: unhas lentes na mesiña, unha cicatriz nova, o silencio onde antes habitaba unha certeza. Despois aprendín que cambiar non sempre significa perder. A primeira folla do outono non anuncia a fin da árbore, senón o seu descanso. As flores da primavera tampouco regresan sendo as mesmas. Eu tampouco. Fun moitas mulleres e, porén, todas elas seguen aquí, colléndome da man mentres avanzo cara á seguinte versión de min mesma.