Ás carreiras co destino
Bego Da Costa, 26, A Coruña

Acordo entre calafríos no cuarto que me retén. Cansa de fuxir, presa das febres que me percorren. Reúno as últimas forzas para volvelo a intentar. Aperto os puños: ter éxito depende de min. Respiro fondo e preparo o meu corpo doente para a carreira. Fixo a mirada, 1, 2, 3, e lánzome polo corredor infinito. Parece que esta vez si. No fondo da escuridade. Xa advirto a súa sombra. Construíndo sempre por diante. Estou a punto. Case o toco. Case. O fado revólvese en gargalladas. Inocente. Acordo no cuarto entre calafríos. Sos, de novo, o libre albedrío e máis eu.