O paso do tempo
Juan Raimundo Álvaro, 43, Betanzos (A Coruña)

Múdaste a unha nova casa.

Vives nun novo ambiente.

Acóplaste, co tempo que necesariamente leva.

E, xa aliviado tras rematar de acopláreste nesa casa, ao ambiente e a rematar de cambiares a burocracia de turno...

... decátaste nun intre de lucidez de que chegaches a esa nova casa exactamente o mesmo día no que morreu o teu avó vinte anos atrás.

Dache un calafrío e quedas paralizado.

Serán as meigas do destino?