A secuencia
Sonia C, 38, Culleredo

Levaba moitos anos facendo o mesmo traballo: agora amarelo, agora vermello, agora verde. Coñecía os horarios, as présas e mesmo aos condutores impacientes.

Unha mañá cambiei a orde: de verde a vermello. Durante uns segundos ninguén soubo que facer. Uns pararon; outros aceleraron.

Descubrín entón que todos aceptan os cambios, aínda que prefiren que cheguen na orde prevista.