Revelación
Suso Amboaxe, 56, Chantada

Tras unha noite de “cacería”, Mr. Orwell, un latifundista con campos de algodón en Luisiana, ordenaba aquela mañá tarefas e lategazos a partes iguais entre os seus escravos. Entre tanto, pasábanlle inadvertidos dous sucesos aparentemente intrascendentes: Na horta, un abellón fecundaba os pementos doces con pole dos chiles mexicanos. Nese mesmo intre, detrás dos establos, a cadela Glory, unha bulldog de pura raza, escollía como pai da súa camada un can mestizo que vagaba pola herdade.
Eran as leis naturais, debuxando vida entre tanta dor, aínda que Mr. Orwell era dos que, coma outros hoxe, en balde, pretendía reviralas.