O selo das Moiras
Oriane, 45, Mugardos

En Tebas, un neno co signo do oráculo gravado na fronte antes do primeiro alento. Murmurios de adiviños, sentenza das Moiras, fíos inexorables no tear da eternidade. Infancia baixo a aparencia do sol, simulacro de liberdade, mentres a sombra dos deúses deitábase, implacábel, sobre cada latexar. Fuxida imposíbel: os pasos convertidos en cadeas, o vieiro torcido cara ao mesmo limiar maldito. Arxila en mans olímpicas, marioneta pendurada de fíos crueis, nome escrito con lume na urdime do eterno. Ningunha pregaria, ningún pranto, ningún sangue mortal rachando o designio. Só a traxedia, agardando.