O ruído que falta
Benito, 39, Ponteareas

O último día xa fora, pero eu aínda non o sabía. Todo mudara, mais eu non o vía. Algo se rompera, pero para min non sucedera. Un día daraslle un abrazo á túa nai; será o último, e non o saberás. Cortarás o pelo, e non volverá pasar. Xogarás ao fútbol, e non saberás que é a última vez que tocas un balón. Aquel sábado, pola mañá, o mundo rompeu. Pero eu non o souben. Marchaches sen dicir adeus. Sen despedirte. Non volviches. Non volverás. Contigo marcharon os sábados, as risas, o ruído. Ata sempre, amigo.