Moira
Vane Vila, 42, Teo.

Chamáronlle Moira porque a súa nai soñara aquel nome. Criouse ao pe do Río San Xusto en Lousame e so quería xogar coas pedras, os musgos e os animais. Pero a vida mudou e Moira medrou entre a tecnoloxía e as redes de comunicación. Agora ollaba a cidade desde a xanela do seu apartamento sentíndose a raíña dun reino de píxels e sabendo que cun só clic podía controlar o destino dos demais, pero ironicamente non sabía como usar aquel poder para decidir o seu propio camiño e deixar a súa particular prisión.