Na súa man
Laura, 61, A Coruña

Sacou o lapis do peto e afiouno coa navalla coa que cortara un pedazo de queixo. Estendeu a man e deixouna caer, pesada, sobre o mapa. A punta brillante risca as fibras do papel. O resultado, ao erguer a palma, un labirinto: a Liña da Vida vai ó Norte. A do Sol toca a aldea dos pais, ben curioso. A da Cabeza pérdese na montaña, na Serra da Serpe. O Arco da Intuición chega, retorcido, ata o Caurel. A Vía Lasciva, avanza no mar.

Non había dúbida.Era o seu destino. Colleu a mochila e botou a andar.