Herdanza materna
Pichel, 56, Silleda

Cando naceu, por ser a primoxénita, decidiron chamarlle Dolores. Como a súa nai Loli, a avoa Lola, a bisavoa Dolores... e así ata onde se perdía a lembranza.
Ao cumprir os trece, comprobou que, por desventura, tamén herdara os cólicos menstruais das súas maiores e pensou que aquilo era un agoiro, un anticipo do porvir: matrimonios precipitados por embarazos precoces, entregas perennes ao coidado de pequenos e grandes, abandono da vida propia e mesmo esquecemento das ilusións persoais na procura do benestar alleo.
Ese mesmo día decidiu renomearse para sempre e ante todxs: de alí en diante, ela sería Ledicia.