Anotacións
Rita da Modia, 56, Miño

No único libro que deixou a avoa non había historias, so contas do leite, das dúceas de ovos, nomes de vacas, días de choiva e unha débeda que alguén nunca pagou. Marta gardouno no caixón da mesa do comedor, onde noutrora gardaban o pan. A familia dicía que aquilo non valía nada.

Anos despois, cando venderon a casa e tiraron abaixo as cuadras, abriu o libro outra vez. Entre números e encargos a avoa anotara algo pequeno nunha esquina: "Hoxe naceu a becerra negra". Marta pasou o dedo pola tinta gastada e por un intre a casa seguiu alí.