Existe o destino?
Noa Gil, 17, Lalín

Moitas veces nós, as persoas, precisamos resgardarnos na idea de que as casualidades responden a un nome: o destino.
Negámonos a pensar que ese bico derradeiro, esa aperta inesperada ou ese aloumiño impulsivo son simples cartas que o azar decidiu xogar contra nós, ou ao noso favor.
Mentres suxeitaba a miña filla entre os brazos e observaba ao lonxe un inexpresivo home atendendo chamadas unha tras outra, ese pensamento rondaba na miña cabeza repetidamente. Quizais o meu destino estaba equivocado. Ou non había tal cousa. Agora mesmo pensaba negar súa existencia, pois non vía xusto que estivese destinada á monotonía