O apagón
Marcos, 40, CORUÑA (A)

De súpeto fíxose de noite. Non houbo un lóstrego previo nin nada que se lle asemellase. Estabamos sen enerxía. Os sistemas de comunicación habituais non funcionaban, os coches eléctricos non se podían cargar, os de motor con combustible escaso que facía que te plantexases se usalo ou deixalo para poder voltar ó traballo o día seguinte. Tampouco había auga nalgúns fogares. Todos nos faciamos as mesmas preguntas: Canto durará? Será un ciberataque? E de súpeto volvimos ás lanternas, ós transistores e ás velas. De súpeto soubemos que sen enerxía, nada somos.