O individuo
Julia, 34, Pontevedra

Se houbese mascado o aire, tería carbón nas entrañas. Ver? Non máis aló duns poucos carballos. Si que escoitaba voces crebadas e unhas pisadas errabundas ao meu redor. Podía tocar o medo, pero só en forma de fume denso, fume verde. O tempo non se contaba polo receo da mala sorte.

Afogado no meu egoísmo, esperei a que todo acabase, mais non estaba de ser. De que serve agora ser árbore se xa non existe o bosque.