Soneto pragmático
Serodio, 49, Arteixo

Habiamos de falare, calquer día
destes, coa idea de pasar á acción
para transformar xa esta tensión
sexual non resolta en convivencia.

Que non hai quiniela, nin lotería,
nin cupido, Deus ou santo patrón.
Dígoche que as cousas do corazón
nas mans do azar pronto perden licencia.

Amareite. Xa me sinto amado!
Rula... eu contigo caldo e rabiza.
Non é azar: disfrutemos do votado.

O destino está sobrevalorado
e mira tí, que ata se utiliza
para o concurso dun supermercado!